Gaya Jilbab Baru Vina Safrina April 2015

Melati 3 Kuala Kapuas

Sabtu, 18 April 2015

bersama VRJ Eectone

ini gaya baru Jilbab Show Vina, cantik dan tidak perlu banyak-banyak memakai jilbab, hanya satu jilbab paris dan beberapa jarum pentul ... tanpa ciput, tanpa brooch ... 

lihat videonya disini

Vina Safrina 07.20 No comments READ MORE

Waluh Bajarang

Paribasa Banjar banyak maambil ngaran tanaman, buah wan satua nang ada di banua Banjar, Kalimantan Selatan. Ngaran tanaman, buah wan satua nang di hulu wan kuala bisa lain-lain sambatannya.

Parigal urang Nusantara saku sama haja: rahatan muar, garigitan wan sangkal, katuju manyumpah. Urang Betawi manyambat “busyet”, urang Sunda “kehet”, urang Banjar damintu jua. Urang Banjar nang tahu di adat wan tahu di basa kada manyambat “bungul” wan “tambuk”, tagal “binuhung karing”; “kada pintar”, atawa “waluh bajarang”.

Buah “waluh” nang “bajarang” rasanya hambar, ganyau, kada nyaman. Rahatan sarik, muar wan sangkal lawan urang, bahanu urang Banjar manyambat “waluh bajarang”. Amun disambat “bungul” atawa “tambuk”, urang bisa sarik -- amun “binuhung karing”, “kada pintar”, atawa “waluh bajarang”, urang kada pati sarik.
 
Imbah bagawi, bahanu Utuh Tipang ka warung Aluh Kaciput. Di banua Banjar, warung kada sahibar sagan barucau, tagal wadah bacangkurah, bacucuk buku, bamujakarah, mamandirakan usaha; mamandirakan haraga minyak, iwak, baras, rarampah, wan sarabanya.

“Mambari maras nasip Adriansyah, Julak ai,” ujar Aluh Kaciput lawan Utuh Tipang nang bahunjur batis di bangku panjang, bahindapang ka tihang. “Imbah ditangkap KPK, kada jadiam sidin bacalun hubnur. Ujar maruaiku nang bagana di Pelaihari, rahat jadi Bupati Tala sidin baik haja lawan warga. Dimapa nasipnya kaina?”

“Cah... Damintu pang manusia. Kita kada tahu pahatiannya. Wayah handak, samunyaan pupura baik, bajanji maanduh-anduh, maarai gambar muha bapuluh-puluh. Maka ayatnya sama haja, kakaitu jua. Saku tukang ulahnya bubuhan pambalantikan, sahibar bacari hujungan, kada tahu adat budaya. Samunyaan mambawa ngaran banua wan agama. Handak bagawi sagan kamaslahatan warga, ujar. Lillahi ta’alla, ujar. Amun sudah tapilih, tahuam pulang. Saku waluh bajarang...” (ysas)

(“Habar Banua”, TVRI Kalimantan Selatan, Banjarmasin. Siaran Jumahat, 17.04.2015, Pukul 5 kamarian.)

Sumber:
https://www.facebook.com/y.s.agus.suseno/posts/752710144848498?comment_id=753522374767275&ref=notif&notif_t=feed_comment_reply

Peribahasa Banjar (Kalimantan Selatan) 06.46 2 comments READ MORE

Kada Kaya Paku, Lantak Di Papan

“Paku nang lantak di papan”, pakunya pisit tapatak, tapajal, di papan. Dikuit atawa disungkal bahimat, kada tacabut. Kabalikannya: amun “kada kaya paku, lantak di papan”, pakunya nyaman haja dicabut. Imbah dicabut lawan tukul atawa tang, tapacul am pakunya.

“Kada kaya paku, lantak di papan”, artinya janji, akad, nang bisa diubah. Pariannya, barang nang sudah ditukar, hingkat dihurupakan. Anak nang handak mahajiakan kawitan; mustinya tahun ini; duitnya balum mayu, paksa tahun dudi. Kada “tatak batang”, kada “haraga mati”, hingkat diubah lagi, sagan kamaslahatan sabarataan.

Takisah, Utuh Tipang. Imbah minta pitua Angahnya, inya kaganangan lawan Aluh Kaciput. Inya kada kahandakan babini, kada rusak banar lawan Aluh Kaciput, tagal indah “mambuang taruh”. Ujar paniniannya, “sakali manimbai lunta, amun takait haram kada manajuni”. Amun niat baik, dalas bapangsar dada, kahandak kabul haja.

Imbah malamnya sumbahyang tahajud wan istiharah, baisukan Utuh Tipang sujud, mancium batis kawitan, minta maap, minta ampun, minta rida. Inya minta kawitannya basasuluh -- amun kawa, langsung badatang -- ka wadah kawitan Aluh Kaciput. Imbah takajut satumat, kawitannya akur haja. Inya manalipun Aluh Kaciput, mamadahakan pasan kulawarganya handak bailang ka rumah, malam Ahad dihadap.

Malam Ahad, imbah Isya, Utuh Tipang, kawitan, Julak, Angah, Acil, Gulu wan mamarinanya, ka rumah Aluh Kaciput. Di palataran wan dalam rumah, banyak urang takumpulan. Imbah basalaman, dudukan, bamula pamandiran. Aluh Kaciput kadada. Saku di kamarnya. Kawitannya ada, tagal nang jadi juru pandir dangsanak tuhanya, Julak Aluh Kaciput. Harau, sakalinya, pandiran Julak Aluh Kaciput hapuk pada gumbili bajarang:

“Aku sudah tahu kisahnya. Kami sudah bamujakarah jua. Ayuha, hampian tanang haja. Kada jujuran jua, kalu, nang maulah rumah tangga ruhui rahayu? Jujuran kada jaminan. Kawa haja kita pandirakan. Kada kaya paku, lantak di papan...” (ysas)

(“Habar Banua”, TVRI Kalimantan Selatan, Banjarmasin. Siaran Salasa, 07.04.2015, Pukul 5 kamarian.)

Peribahasa Banjar (Kalimantan Selatan) 05.55 No comments READ MORE

Ganal Hampadal

Ganal hampadal” paribasa sagan urang “wani”. Amun kada wani, ngarannya “halus hampadal”, “pamburisit”. “Wani” kada musti “wani bakalahi”. “Wani kada tamakan hak urang”, “bini nang wani kada makan duit haram barian laki”, “wani” jua ngarannya. Arti “wani” balum tantu kada baik.
Bini nang “wani lawan laki”, balum tantu kada baadat. Saku ada alasannya. Saku lakinya wala, sakahandak lawan bini. Saranti wani lawan Walanda rahat “Amuk Hantarukung” di Kandangan, “Aluh Idut” wan Ratu Zaleha rahat Perang Banjar damintu jua.
Aluh Kaciput tamasuk “wani” jua. Imbah abahnya habis umur, inya “wani” manjunjung nyiru, kada supan-supan bajual wadai kuliling kampung. Sambil sakulah, inya mandangani umanya manggaduh wan mambari makani adingnya nang sajurut.

Nang ngaran tuhuk marista, bahujan bapanas bausaha, imbah ganal, inya sarik wayah di sakulahan disambati Utuh Tipang “hirang lutung”. Utuh Tipang manyambat sambil mangijipi. Kada mawada, tagal maajaki, manggayai. Bahanu Utuh Tipang bacuntan maitihi. Rahatan hujan, tabarungan taimbai bataduh di warung, Utuh Tipang disugak Aluh Kaciput:
 
“Napa pian manyambati ulun hirang lutung? Napa maksud?”

Utuh Tipang “kaya siput dipais”, kapulingaan. Aluh Kaciput asa kada purun. Utuh Tipang urangnya baik wan gagah. Saku inya ada hati, tagal kada wani bapadah.

Supaya hati Utuh Tipang kada gulang-gail, sabaluman mandi, Aluh Kaciput mambaca isim Fatimah: “Bismillahirahmanirahiiim... Mandiku mandi Siti Fatimah/ Air sakandi kucucurakan/ Kun jabiyal ujud, aku jua nang diujudi Utuh Tipang!/ Mayati, mayati Sulaiman jati/ Atas Engkau aku diperjudukan/ Karna suam datu Adam dan Hawa!/ Barakat laa illaha illalah, Muhammaddarasulullah...!”

Sambil manyiram banyu ka awak, Aluh Kaciput kaganangan pitua aruah datunya: “Jadi binian jangan pamburisit, kaina tapulilit! Musti ganal hampadal!” (ysas)

(“Habar Banua”, TVRI Kalimantan Selatan, Banjarmasin. Siaran Saptu, 11.04.2015, Pukul 5 kamarian.)

Sumber:
https://www.facebook.com/y.s.agus.suseno/posts/749293435190169?comment_id=749389368513909&ref=notif&notif_t=comment_mention

Peribahasa Banjar (Kalimantan Selatan) 05.54 No comments READ MORE

Duit Kada Bakula

Paribasa Banjar bunyinya ada nang baik, ada nang kada baik. Jaka “basa laut”-nya, ada nang “positif”, ada nang “negatif”. Intinya kada di “positif” atawa “negatif”-nya, tagal “hikmah”-nya. Lain pada itu, paribasa Banjar kada kawa disambat “ciri parigal urang Banjar”. Amun sapalih, saku bujur haja, tagal kada sabarataan.
Bujur paribasa Banjar maungkai parigal wan idabul urang Banjar, tagal -- jaka “basa laut”-nya -- kada kawa disambat “stereotipe” urang Banjar. Saku sapalih bujur haja, tagal paribasa Banjar “ciri parigal wan idabul manusia saalamanan”.

Saku ada nang kada katuju amun paribasa Banjar nang “negatif” diungkai. Amun kada katuju, baarti kada mangakui parigal wan idabul manusia. Amun damintu, sama artinya kaya paribasa Melayu, “buruk muka, cermin dibelah”.

Pariannya, paribasa “duit kada bakula”. “Kula” singkatan “kulawarga”, “bakula” artinya “tarait kulawarga”. Nang “tarait kulawarga” tu “urang”-nya, lain “duit”-nya.

“Duit kada bakula” artinya “duit kada bakulawarga”. Duit, duit; kulawarga, kulawarga. Dalam kulawarga, duit bisa “positif”, bisa jua “negatif”. Duit bisa “marakatakan” kulawarga, dingsanak wan mamarina, bisa jua “marusak”-nya.

Takisah, Utuh Tipang. Inya pusang maniring parigal kulawarganya, Utuh Napang. Utuh Napang rancak bahutang, tagal kada suah manahuri. Muyak-muyak, rahatan Utuh Napang handak bahutang pulang, Utuh Tipang maunjuki sajampal sasuku:
 
“Maap, aku kada kawa lagi mahutangi. Hutang nang samalam haja, gin, balum ikam tahuri. Kubari saadanya haja, nah. Daripada kita tahual, rusak kulawarga. Duit bisa jadi bala. Duit kada bakula...” (ysas)


(“Habar Banua”, TVRI Kalimantan Selatan, Banjarmasin. Siaran Kamis, 09.04.2015, Pukul 5 kamarian.)

sumber:
https://www.facebook.com/y.s.agus.suseno/posts/748015711984608?comment_id=748319301954249&notif_t=like

Peribahasa Banjar (Kalimantan Selatan) 09.05 No comments READ MORE

Penyanyi Dangdut Berjilbab

Penyanyi dangdut (terutama wanita) identik dengan goyangan yang heboh dan pakaian yang seksi bahkan luar biasa minim. Namun pada zaman sekarang sudah banyak penyanyi dangdut yang mengenakan jilbab ketika “manggung”. Dan kita harus bersyukur karena sekarang sangat mudah dijumpai pakaian yang menutup aurat atau lebih dikenal dengan nama hijab yang cantik dan fashionable. Berbeda dengan dulu, karena dulu sangat susah menemukan baju yang sesuai untuk dipakai para biduan dangdut, sehingga mereka tidak menutup auratnya dengan alasan tidak ada baju yang cocok. Padahal menutup aurat adalah kewajiban kita sebagai muslimah, apalagi jika kita harus dilihat oleh orang banyak.

Namun sekarang masalah pakaian tidak bisa lagi dijadikan alasan. Dimana-mana kita mudah menjumpai pakaian/hijab yang bisa digunakan untuk “manggung”. Sebagai biduan dangdut yang mengenakan jilbab dari awal karir saya sangat merasakan perbedaan tersebut. Sangat banyak perbedaan biduan dangdut berjilbab 2014-2015 dengan biduan dangdut sebelum tahun 2010-2011. Karena sebelum 2010-2011, hanya ada sedikit pedangdut wanita yang menggunakan jilbab, jikalau adapun, pakaiannya sangat tidak rapi dibandingkan dengan pakaian sekarang.  Bedanya adalah pada waktu itu sedang trend menggunakan jilbab dan pakaian ala “Gita KDI”, yaitu baju tanpa lengan dilapis dengan baju dalaman manset dan jilbab yang rapi.

Pada saat ini, image pedangdut Indonesia sudah mulai membaik dibandingkan dulu, karena sekarang orang lebih mementingkan suara yang enak dan penampilan yang sopan.  Ditambah lagi dengan berbagai macam jenis, model, dan merk-merk ternama turut membantu pedangdut berjilbab di Indonesia. Ditambah lagi dengan banyaknya artis wanita Indonesia yang mulai mengenakan jilbab dalam kesehariannya. Ini membuat kita tidak bingung dan ragu lagi jika ingin menggunakan jilbab.

Disini saya akan membantu teman-teman sesama biduan dangdut yang berjilbab yang bingung jilbabnya mau dikreasikan seperti apa. Dan saya harap ini bermanfaat dan bisa membantu teman-teman agar kita sama-sama menjaga aurat kita. Saya memang bukan wanita sempurna, saya belum menjadi muslimah yang benar-benar baik, tapi setidaknya saya bisa mempertahankan jilbab saya dan berusaha meyakinkan teman-teman bahwa berjilbab itu tidak menghambat aktivitas kita.

Insya Allah selanjutnya saya akan berbagi bagaimana cara menggunakan jilbab cantik yang pas untuk “manggung” beserta tips pakaian dan warna yang digunakan.

Kreasi Jilbab Biduan 06.55 No comments READ MORE